Mera ek KAAM kar dena...

Mera ek kam kar dena
Tum meri jagah jee lena
Thodi mushkile hogi 
Meri raho pe chal kar
Par zindagi chhoti hi hain meri
Ise jeete hue jee lena

Thodi alag hu main
Tum bhi alag ban jana
Mile jo koi meri raho par
Use gale se lagana
Vo jarur mera apna hi hoga 
Mai nahi hu iska ehsaas na hone dena
Tum meri jagah jee lena

Mai chalte hue rukti hu 
Raho mai apni
Tume waqt ho to
Zara tum bhi theherna
Thodi dhup ko chakhana 
Thodi chhaya me rukna
Meri dhoop aur chhav ko
Thoda tum bhi parakhna

Kuch age jakar 
Meri manzil par pahunch jaoge
Tumhari kasam 
Tum nahi pachhtaoge

Meri unchaiyo,mere hisse ko 
Dhire se samet lena
Koi rukne ko kahe to 
Sidhe muh fer lena

Mera ek kam kar dena
Tum meri jagah jee lena